اتجوزت بطله مصارعه
المحتويات
ومحدش هيبصلك
قمر هقولهم خلاويص واخليهم يفتحو
رعد لطفك ياااااارب طب بقولك ياقمر انتى مش هتموتى نفسك عشان تساهمى فى بقاء الچنس البشرى خلاص انا هساهم معاكى
قمر صوح
رعد ايوه صوح ودلوقتى قدامى على جوه
قمر بتوهان وهى بتبصله وبتهز نفسها وهى شايله الاكياس.. كيف يعني..
رعد زي البني أدمين ياقمر.. ودلوقتي هتدخلي ولا افرتك دماغك واخلي دفنك عسكريه النهارده..
رعد إشحتو
قمر ايوه اول عيل عشان يعيش وميتحسدش هسميه شحتو عشان هشحته من ربنا..
رعد بصوته كله مصطفى يامصطفففففى تعالا يابنى اطبخ معاهااااااا واى حد من الكتيبه عاوز يطبخ معاها يييجى
دى هتسمى ابنها اشحتو
قمر ايوه شحتو..
رعد غورى ياشحاته من قدامى انا غلطان اللى جيتلك كنت بفكر ازاى وفأيه انا وسابها ومشى بالخطوه السريعه
قمر ابتدت تطبخ ومصطفى جه وساعدها وعملو طواجن فى الفرن كتير ونظرا لقلة الطواجن دخلو الحلل جوا الفرن..
مصطفى برضو ميكفيش
الاكل ده
قمر مفيش اى حله ولا طاجن تانى
مصطفى بص حواليه وابتسم بس لقيتها وراح جاب طشت المونيوم كبير وخلى قمر غسلته كويس وعمل فيه بطاطس باللحمه المفرومه ومن فوق رصه كله قطع فراخ متبله
قمر ايوه عشان بوراك ميتنططش علينا تانى
مصطفى الله دانتى متابعه بئه
قمر عيب عليك
مصطفى طب يلا ارفعى قصادى نوديه الفرن
ريناد دخلت عليهم وكلها هباب فى وشها واديها من الفرن والخبيز..
مصطفى بصلها واتخض ورجع لورا
قمر متخافش أليفه
وبصت لريناد ارفعى ياوحش الصحراء وودى على الفرن..
ريناد برقتلها بعنيها جامد
قمر متبرقيش ياوكلاهم مش محتاجه تبرقى واوعى حد يلمحك من العساكر بمنظر امك ده مهيتعرفش على نوعك وهيطخك بړصاصه فنص راسك هيفكرك مخلوق مفترس عايش فى الصحراء بيتغذى على لحوم البشر انا قلتلك اهه
مصطفى اول ماشافها عملت كده الله اكبر الله اكبر مين الۏحش
ريناد دخلت الاكل الفرن ورجعتله وقفت قصاده عاوز تعرف انا مين ثوانى هعرفك ونادت على واحد من العساكر
كريم كان من الدفعه اللى قبل مصطفى اللى كانت ريناد بتدربهم وكانت دايما تعاقبه ب٥٠ ضغطه لانه كان بيخالف الاوامر وبيضحك كتير...
كريم جه بأستغراب ووقف قصادها وبيبص لريناد قوى
ريناد عسكرى مجند كريم انزل ٥٠ ضغطه
كريم بفرحه ريناد باشا وضربلها التحيه العسكريه
ريناد ضحكت بخفه عامل ايه ياكريم والدفعه كلها عامله ايه
كريم بخير وتمام وزى الفل من بعدك يافندم
ريناد بتضحك بصوتها كله بقا كده ياكريم وانا اللى قولت وحشتكم
كريم لا ياستى متشوفيش وحش ربنا يلهيكى عننا.. دى الدفعه يدوبك ابتدت تشم نفسها ووشوشهم ابتدت ترد فيها الدمويه
ريناد بضحكه.. على العموم انا جيالكم قريب وهتتحاسب على كلامك ده
كريم ولا تقدرى تعمليلى اى حاجه
ريناد رفعت حاجبها ليه يعنى
كريم عشان دول اخر ٤٠ يوم ليا فى الجيش وبعد كده افرررراج
ريناد فلت من تحت ايدى... عالعموم مبروك لأنهاء المده بتاعتك على خير ودلوقتى يلا بالخطوه السريعه على تدريبك
كريم ادى تحيه عسكريه لريناد وجرى بالخطوه السريعه
ريناد بصت لمصطفى
مصطفى بصى ياباشا اللى ميعرفك يجهلك وبالنسبه ليا انا تحت امرك فى اى حاجه تطلبيها وانا قدامى لسه سنتين و٦ شهور وعلى حسب مااستشفيت من كلام الاخ كريم انها هتكون ايام سوده على ايدك لما ترجعى الكتيبه تانى.. برغم انى مش عارف وحده ست هتعمل ايه هناك لكن برضو انى خااااايف
قمر له متخافش مهتعملكش حاجه دى قلبها اوبيض وغلبانه وعلى ماهتروحلكم اخوى هيكون روضها
ريناد بصت لقمر ونفخت ودخلت عند الفرن تانى
الكل منتشر فى الصحرا وبيشتغل بهمه والارض بتتحول لخطوط بالطول ومهاب شايفها قدامه وهى بتتغير وكأنها عروسه والكل بيجهز فيها عشان تطلع فى اجمل صوره
العصر اذن والعمال ابتدو يتعبو ورعد ادالهم اوامر يروحو عند البيت والكل راح وقمر ومصطفى ابتدو يطلعو الاكل ورعد ومهاب يرصو للعساكر وريناد جايه بالعيش وادته لمهاب اللى اخده وهو باصص الناحيه التانيه
ولما بص على ريناد حضن العيش ونط لفوق
مهاب ايه يارناد الڼار ولعت فيكى وطفوكى ولا ايه متفحمه ليه ياماما!!!
ريناد من الفرن
مهاب ايه كنتى بتدخلى تفوديها وتمسحيها بدماغك ياماما.. كنتى تدخلى راسك وتلفيها جواها وهى مولعه وتطلعيها تانى
مكل الناس بتخبز يامقندله وحدش عيحصله اكده.. غورى يارناد خشى جوا لحد يلمحك من العساكر يفضى خزنة الالى فيكى.. روحى عامله كيف النخله اللى ولعت فيها الڼار وكلت ليفها وكرنيفها ومقعدش غير قلبها من جوه جاكى الحنضله...
ريناد هى دى كلمة شكرا اللى بتقولهالى بعد ماخبزت الخبيز ده كله لوحدى على العموم هى عادتك ولا هتشتريها وجريت لجوه...
مهاب مقصدتش يامفحمه خدى اهنه تعالى هخلى العساكر يسبحوكى ويفركوكى بالرمله وهترجعى تلمعى تانى وكيف الجديده بالظبط..
قمر سيبها ياهباب حرام عليك البت من الصبح فرحنالك وعتخبز لحالها لما شربت المر وانتا معندك ريحة الډم..
مهاب هصالحها دلوكيت بس ادخليلها الحوش ومتطلعيهاش اكده قدام الناس
العساكر اتغدو واخدو استراحه وعملو شاى فى حله كبيره على الحطب وشربو وقامو يكملو شغل من تانى
قمر بتلم فى الحاجه مكان الغدا ولقت العساكر ماسحين الاكل كله وحتى العيش خلصو عليه
قمر يامرارى دا حتى العضم قرشوه مسابوش حاجه!!! كويس انى شايله حبة وكل وعملت حسابى انا ورناد
مهاب قرب لريناد فى الحوش وحط ايده على كتفها ريناد بصتله ونزلت ايده ولفت الناحيه التانيه
مهاب متزعليش منى عضحك معاكى والله.. وبعدين بصى انتى اكيد مشفتيش وشك وجابلها مرايه ريناد بصت فيها واتخضت..
مهاب اهه شفتى انتى خفتى من حالك يبقا انا اعمل اييييه
ريناد خلاص ياهباب قوم شوف وراك ايه
مهاب له مقايمش عشان جعان مرضيتش اكل معاهم عشان اكل معاكى وهوكلك بيدى..
ريناد بصتله وابتسمت
مهاب يبوووى عامله زى الراجل اللى كان بيخترع الفنكوش..
قمر جابت الاكل ومهاب غمس
لقمه ومدها لريناد يلا هم ياديناصور
ريناد كشرتله
مهاب عضحك والله يلا افتحى خشمك عشان معارفش موقعه فين بالظبط
ريناد فتحت بوقها ومهاب حطلها اللقمه وريناد عضته بقصد
مهاب صوابعى ياماما دى مش صوابع طرشى حاسبى ياحبيبتى وكلى لحالك
يأمه تفتحى خشمك وانا ارميلك وانتى القفى
ريناد ليه كلبه
مهاب له يبوى كلبة اية لاسمح الله انتى شايفه حالك عتعضى ابسلوكلى
ريناد ضحكت ومهاب ضحك معاها وقمر سرحانه ومبتسمه وماسكه رغيف وبتقطم فيه كل شويه قطمه وهى باصه بعيد وسرحانه فى رعد وجماله وكلامه معاها
مهاب استر يارب
ريناد أفوقها
مهاب له سيبيها خلينى اكل منابها
ريناد حرام عليك
مهاب اسكتى انتى.. واكل منابه ومناب قمر وقام مشى
قمر فاقت وبتدور على منابها فى الطبق ملقتهوش وبصت لريناد لقتها بتاكل فى آخر حتة لحمه ودخلتها بوقها
قمر پصدمه حرام عليكى.. اسرح شويه تاكلى منابى!! دنا يتيمه وغلبانه وانتى عتاكلى حاجة اليتامى منك للاه ياسعرانه هتروحى من ربنا فين..
ريناد هتتكلم قاطعتها قمر.. متتكلميش ازلطى مناب اليتامى ازلطي نزلى السحت فبطنك
متابعة القراءة
